Gigi Hadid ribashkohet me Kendall Jenner në Paris

Gigi Hadid dhe mikja e saj më e mirë Kendall Jenner janë ribashkuar në Paris pasditen e së premtes për të kaluar fundjavën me njëra tjetrën.

Ylli i “Keeping Up With Kardashians” ka mbërritur më vonë në kryeqytetin francez për Men’s Fashion Week.

Modelet e Victoria’s Secret dukeshin tepër elegante me veshjet e tyre teksa janë fotografuar në ditën me shi.

Read More

Eli Fara, ‘’Martesën time nuk e quaj dështim‘’

Edhe pse kanë kaluar vitet ajo mbetete një ikonë e muzikës dhe artit shqip. Vazhdon të bëj këngë e projekte të bukura, ndërsa shqiptarët thonë për të se është si vera, sa më e vjetër aq më e mirë. Për Eli Farën shkruhet e flitet, së fundi ajo thotë se për shpifjet nuk ka kohë të meret por bën këngë të bukura për publikun.

‘’Për mua këto gjëra që nuk janë të vërteta e shpifje që dalin nuk më lenë përshtypje e kaloj me të qeshur pa asnjë fjalë e kaq nuk meritojnë vëmendje, pjesa më e mirë për mua është kënqësia që më jep publiku këngët e reja që i bëj dhe shpresoj të bëhen hite. Kjo më jep kënaqësi sepse mendoj se me këngët e fundit kam glabëruar dhe fëmijët e vegjël që këndojnë këngët e mia do të thotë se kam kapur gjitha brezat, një sukses i jashtëzakonshëm besoj për secilin artist’’, shprehet këngëtarja Fara e cila përvec muzikës bën një kujdes të jashtëzakonshëm edhe për dukjen dhe imazhin e saj.

‘’Nuk është që nuk tregoj kujdes sidomos që investoj shumë për imazhin se ndonjëherë të vjen keq se përkundër investimit në imazh që bën në ndonjë rast apo ndricim ose pozicion të keq të prishet imazhi dhe nuk mban askush përgjegjësi. Tregoj kujdes vet më shumë nuk frekuentoj salone ondulimi apo parukeri, dëshiroj të bëj shoping dhe të blej e më bën të ndihem mirë, në kuptimin që jo të më bëj më të re por të ndihem mirë në momentin që jetoj’’, thotë më tej Eli e cila ka nisur angazhimet për këngët e reja që do të shpërthejnë për vitin 2016.

‘’Tani për këtë vit kam filluar të mendoj për këngën e re shpresoj që në pranverë të jetë gati. Sigurisht që është e vështirë në fushën e artit se konkurenca është e madhe e dalin shumë talente kështu që të kesh vazhdimësi duhet edhe pak zgjuarsi’’. E sa për artikujt e shkrimet me thashetheme që dalin për të, këngëtarja thotë se nuk i lexon por ia transmetojnë miqtë. ‘’Unë nuk kam lexuar më tha një mikja ime që ka dal një artikull dhe kam qeshur me të madhe se nuk është shprehja ime në fjalorin tim, as në mënyrën si mendoj për gjërat, kush e ka shkruar kështu e mendon veten ndoshta, nuk e di, janë tituj qesharak. Nuk jam bërë pishman për asgjë që ka ndodhur, nuk është cudi që edhe sot të bëj gabime, unë martesën time nuk e quaj dështim e quaj një gjë që njeri e ndien dhe e bën në moment nuk shkon dhe vazhdon më tej’’, shprehet për fund Eli Fara.

Read More

Chelsea shkarkon punonjësin e sigurimit, e ofendoi Fabregasin (VIDEO)

Skuadra e Chelseat është detyruar të largojë nga puna një punonjës sigurimi pasi e kishte quajtur mesfushorin Cesc Fabgreas “gjarpër”. Mësohet se incidenti ka ndodhur kohë më parë, por vetëm të premten ka shpërthyer në rrjete sociale.

Në videon vetëm 8 sekonda të gjatë të regjistruar në “Stamford Bridge”, shihet numri 4 i Chelseat kur largohet me një valixhe në dorë, por ofendohet nga punonjësi i larguar i sigurimit.

“Ti je një gjarpër. Ti i përket Arsenalt, çfarë ka ngjarë me ty”, i thotë punonjësi mesfushorit spanjoll në videon që është shpërndarë me shpejtësinë e dritës, ndërkohë që Cesc, i befasuar nga fjalët, i bën me shenjë një përgjegjësi të dëgjojë ato që thotë punonjësi.

Videoja është publikuar nga një llogari në Facebook e tifozëve te Arsenalit në prag të derbit të Londrës mes “topçinjve” dhe Chelseat, që sigurisht do të tensionojë edhe më shumë situatën mes tifozërive, edhe ashtu të tensionuar historikisht.

Fabregas ka zhvilluar mbi 500 ndeshje me fanellën e Arsenalit para se të rikthehej në Barcelonë, ku për shkak të aktivizimit të pakët, bëri një lëvizje të befasishme duke iu bashkuar rivalit të Arsenalit, Chelseat.

Ai ka qenë objekt i kritikave të shumta për shkak të formës së dobët që kaloi në pjesën e parë të sezonit, madje u tha se ishte përgjegjës për “puçin” ndaj Jose Mourinhos, trajnerit të preferuar të tifozëve blu.

Read More

Ftohen edhe më shumë marrëdhëniet Perez-Ronaldo

Mediat spanjolle janë duke raportuar se marrëdhëniet mes numrit një të Real Madridit, Florentino Perez, dhe yllit të këtij klubi, Cristiano Ronaldos, janë ftohur dukshëm në krahasim me vitet e kaluara.

Sipas mediave spanjolle, numri një i Los Blancos, ka mbajtur një takim urgjentisht me Cristianon pasi besohet se nuk është aspak i kënaqur me udhëtimet e shpeshta jashtë Spanjës që po bënë Ronaldo.

Portugezi kohët e fundit ka udhëtuar vazhdimisht drejt Marokut për të ndarë kohën e tij të lirë, por një gjë të tillë sipas “Sport.es” nuk do ta bëjë më. Perez ka kërkuar nga Roanldo që t’i ndalojë këto udhëtime të shpeshta dhe të fokusohet te klubi, pasi çdo gabim do t’i kushtonte mbretërve që të mbesin sërish pa tituj.

Ronaldo i ka shpeshtuar vizitat në Marok, pas blerjes së avionit privat me vlerë prej 19 milionë eurosh. Mediat raportonin se Ronaldo ka një të dashur në Marok dhe se kjo është arsye e udhëtimeve të shpeshta të tij, por se çfarë do të ndodh pas këtyre raportimeve të fundit, mbetet të shihet.

Read More

Ndodh edhe kjo: Gjyqtari pyet lojtarin çfarë kartoni dëshiron

Diçka e pazakontë ka ndodhur në futbollin kinez

Në Kinë gjyqtari ka kërkuar nga lojtari që të zgjedh në mes të kartonit të verdhë dhe të kuq, kuptohet që lojtari mori të verdhin.

Skuadra kundërshtare nuk reagoi për këtë vendim të gjyqtarit, kjo dukej krejtësisht normale. 

Read More

Ilir Latifi tregon vështirësitë e jetës, në videoklipin e një DJ të famshëm

Sportisti që merr pjesë në kampionate për arte të përziera marciale, Ilir Latifi ka treguar një pjesë të pa panjohur të jetës së tij.

Shqiptari i vetëm që ka fituar ndonjëherë në UFC, është bërë protagonist në videoklipin “The Ocean”.

Në këngën e Steven Angello, që është DJ me famë botërore, Latifi tregon për vështirësitë nëpër të cilat ka kaluar në jetë.

“Çeshtu oshtë jeta. Le tash. Ajo që o konë, o konë” dëgjohet duke thënë ai në shqip, në fillim të videos.

Më pas, videoklipi vazhdon me ushtrimet fizike që i bën Iliri, si dhe luftërat që i zhvillon në ring.

Video kombinon skena ku ai shihet i gjakosur nga goditjet, teksa përleshet me kundërshtarin, si dhe pjesë nga jeta private, kur protagonisti punon në furrë të bukës.

Read More

Mourinho përfshihet në politikë

Në Portugali këtë fundjavë mbahen zgjedhjet për presidentin e ri të vendi dhe një prej kandidatëve është Marselo Rebeldo De Souza.

Ky i fundit që është pjesë e partisë Social Demokrate gjen mbështetjen edhe të një emri të njohur të sportit në vendin luzitan, trajnerit Jose Mourinho.

Ish-tekniku i Celsit, Realit dhe Interit për herë të parë vendosi të dalë publikisht në favor të ndonjë kandidati politik në zgjedhjet që mbahen në vendin e tij.

Është hera e parë që mbështes publikisht një kandidat politik, sepse mendoj se Portugalia ka nevojë që të korrigjojë zgjedhjet e saj më shumë se kurrë. Jam për Profesor De Sousën sepse së pari e njoh atë si person dhe politikan dhe së dyti, për shkak se kam qenë jashtë Portugalisë për 15 vjet dhe e kam të qartë se na duhet një fitues dhe jo vetëm. Duhet edhe një person karizmatik. mendoj se kjo është ajo që na duhet në këtë moment.kështu, me ndërgjegje të plotë e bëj publik qëndrimin tim dhe votoj për Marcelon, pasi është zgjedhja e duhur për ne”, deklaroi Mou.
Sipas sondazheve të kyera në Portugali, Marcelo Rebelo De Souza është në avantazh kundrejt kandidatëve të tjerë, Antonio Sampaio dhe Maria De Belem, ndërkohë që presidenti aktual i vendit është anibal Cavaco Silva edhe ky pjesë e Partisë Social demokrate.

Read More

Pep Guardiola takon drejtuesit e Manchester-it

Edhe pak muaj te Bajerni dhe pastaj e ardhmja në Angli. Deri më tani të gjithë e kanë dhënë të sigurt destinacionin e rradhës të Pep Guardiolës, te Manchester City ku me miliardat e sheikëve synon të cojë në një tjetër nivel Citizens, por në orët e fundit e ardhmja e trajnerit spanjoll është kthyer në një thriller të vërtetë. Trajneri aktual i Bajernit të Mynihuut është një objekt dëshirash edhe te Manchester United dhe France Football ka dhënë lajmin që ka trazuar ambientin sportiv. Tekniku 45 vjecar javën e kaluar është takuar me drejtuesit e “djajve të kuq” në Hotel Bristol në Paris. Vlen të theksohet se Manchester United ka një kontratë me trajnerin aktual Luis Van gaal deri në 2017 por eksperienca e tij deri më tani në Old Trafford ka qenë tejet zhgënjyese kështu që nuk është aspak cudi që te United të synojnë atë që konsiderohet si një nga trajnerët më të mirë në botë për momentin. Te City apo United, tani askush nuk mund të vërë bast i sigurt si pak ditë më parë, sido që të jetë e ardhmja e Guardiolës do të jetë në Manchester.

Read More

Federer shënoi fitoren e 300-të Grand Slam

Roger Federer, një nga tenistët më të mirë në botë i të gjitha kohërave, në raundin e katërt të Australian Open shënoi fitoren e tij të 300-të Grand Slam, raporton Anadolu Agency (AA).

Kështu zvicerani shkroi një faqe të re në tenis si i pari në konkurrencën e meshkujve i cili ka arritur numrin prej 300 fitore në katër turnire më të fuqishme ATP. Pas tij, me 233 fitore është Jimmy Connors, dhe i treti me 224 Andre Agassi.

Në raundin e katërt të turneut në Melburn, ish-tenisti numër një në botë, mundi Grigor Dimitrov nga Bullgaria me 3:1 në sete 6:4, 3:6, 6:1, 6:4

Federer gjatë karrierës së tij të shkëlqyer madje fitoi 17 turne Grand Slam, duke përfshirë katër të Australian Open. Në vend të parë të ATP listës ka kaluar 302 javë, nga të cilat 237 në seri.

Read More

Nicole Scherzinger shkëlqen në eventin e Jennifer Lopez

Nicole Scherzinger ka shkëlqyer në hapjen e madhe të shfaqjes së Jennifer Lopez, “All I have”, mbrëmjen e së mërkurës.

37 vjeçarja kishte veshur një fustan të shkurtër ngjyrë argjendi që i tregonin këmbët e saj të tonifikuara.

Këngëtarja e kishte kombinuar veshjen e saj me një palë këpucë ngjyrë nude teksa dukej e mrekullueshme në tapetin e kuq të Planet Hollywood në Las Vegas.

Read More

Kryesuesi në garën për Oscar “The Revenant” shfaqet në Shkup

Filmi i cili është fitues i çmimit të sivjemë “Globi i Artë” dhe njëherit është favorit kryesor për çmimin Oscar me 12 nominime “The Revenant” do të ketë sonte premierën në Shkup.

“The Revenant” i të shkëlqyerit Alejandro González Inarritu, me një ekip të mrekullueshëm aktorësh i udhëhequr për momentin nga aktori më i mirë në botë Leonardo Di Caprio, fitues i “Globit të Artë” dhe i nominuar për çmimin Oscar në kategorinë “Aktori më i mirë”, ndërsa i plotësuar me Tom Hardy, Domhnall Gleeson, Will Poulter dhe Paul Anderson, paraqet ekranizim të një ngjarjeje të vërtetë nga viti 1820 e cila flet për një aventurë epike për mbijetesë.

Në një ekspeditë nëpër tokat e panjohura të shkretëtirës amerikane, hulumtuesi legjendar Hju Glas sulmohet nga një ari, dhe antarët e tjerë të ekspeditës e lënë atë duke menduar se është i vdekur.
Në betejën e tij për mbijetesë, Glasi përjeton një hidhërim të thellë dhe një tradhti nga ana e mikut të tij.

I udhëhequr nga vullneti i tij dhe nga dashuria për familjen e vet, Glasi duhet të ballafaqohet me kushte shumë të vështira për të gjetur shpëtimin.

Read More

JLo çmend Las Vegasin (FOTO)

Jennifer Lopez në çdo përformancë dëshmon se di të jetë në top formë. Edhe mbrëmja e Las Vegasit e titulluar “All I have”, konfirmoi edhe njëherë se JLo jo vetëm që këndon, por përformon si një balerinë profesionistë.

Nuk dihet nëse është ndikimi i të dashurit të saj balerin, Casper Smart, që e ka rikthyer JLo-në në formën e saj më të mirë skenike dhe artistike.

46-vjeçarja performoi hitet e saj më të mira, të gjitha të shoqëruara me koreografi dhe sigurisht me stile të ndryshme veshjesh, ku nuk mungoi sensualiteti. Disa javë më parë në një intervistë, JLo u shpreh se kishte një jetë që priste të realizonte një event të tillë kaq madhështor sikurse ndodhi në Las Vegas.

Prej vitit 1999, Lopez është kthyer ne interpretuesen më me ndikim në Amerikën Latine me mbi 60 milionë shitjet rekord.

Pas shfaqjes “All I have”, ajo u bashkua me të dashurin e saj për të cilin ka hedhur poshtë lajmet se do të martohen. Megjithëse këngëtarja latino-amerikane është shprehur se balerini 18-vite më i vogël se sa ajo, është edhe dashuria e saj e vërtetë.

Read More

Kjo vogëlushe në foto sot është ndër prezantueset më të mira shqiptare (FOTO)

Duket sikur ka të njëjtin qëndrim, buzëqeshje madje deri diku edhe të njëjtin look.

Kjo vogëlushe që shihni në foto është një ndër prezantueset më të mira dhe më të dashura shqiptare.

Bëhet fjalë për bukuroshen Arbana Osmani, fotografia e së cilës është duke qarkulluar në rrjetet sociale.

Read More

Skandal, profesori i historisë ligjëron se si LSDM do shkruhen si tradhëtarë

Profesori i historisë në shkollën fillore Kirili dhe Metodij në Sveti Nikole nxënësve të tij ju ka ligjëruar për historinë e luftës së dytë botërore dhe për Jugosllavinë duke sqaruar edhe për tradhëtarët e kohës.

Si shembull më të mirë që nxënësit të kuptojnë situatën ai ka bërë sqarimin mes politikanëve të LSDM dhe VMRO dhe se si sot që shkruhet për tradhëtarët e kohës, në të ardhmen për gjeneratat e reja do të shkruhet se LSDM janë tradhëtarë, njofton Tetovasot.

Nxënësit të shqetësuar me këtë fakt tregojnë prindërit, kanë ardhur në shtëpi të shqetësuar. Në mars vitin e kaluar, mediat lajmëruan një skandal poashtu në Sveti Nikole kur mësimdhënësit janë rrahur mes veti.

Read More

Loja e Zaevit dhe haku i shqiptarëve

Partia opozitare maqedonase, LSDM, është ballafaquar me një situatë tepër diskutabile, e cila e vendos atë në pozitë tepër të disfavorshme shkaku i shumë hapava jo të sinqerta që ka ndërmarrë, sidomos ndaj opinionit shqiptar. Kjo parti tash ndodhet në një pozicion të dobët dhe të paparashikuar më parë, shkaku i gabimeve të shumta që ka bërë, duke kalkuluar, por edhe duke u tentuar që të luaj lojëra politike, të cilat tash duket se po i hakmërrën.

Që nga filllimi i publikimit të aferës së përgjimeve, kjo parti, nuk arriti që të krijojë një opinion të besueshëm, sepse në radhë të parë kishte kalkulimet partiake dhe spekulimet, të cilat i lëshonte në forma të ndryshme në opinion. Kjo mënyrë se si i shpaloi “bombat” nuk arriti të tronditët opinion, sidomos për faktin se një gjë të tillë e bënte më tepër duke i komentuar nëpërmjet formave të ndryshme, që aspak nuk kishin të bënin me të “vërtetën”, të cilën donte ta prezantojë para opinionit.

Me opinionin shqiptar, gjatë tërë kohës ka bërë lojë të dyfishtë, duke deklaruar afera të mëdha, por që në fakt, as që i ka pasur. Me këtë lojë lideri i kësaj partie, Zoran Zaev, dëshironte t’i bëj për vete shqiptarët, pa shpaluar diçka konkrete, por vetëm duke publikuar disa “afera” të vogla dhe të pavërejtshme, të cilat nuk thonin asgjë.

Edhe ofertat politike që i shpalonte për shqiptarët ishin nën çdo nivel vetëm për t’i hutuar shqiptarët dhe pa ofruar ndonjë zgjidhje për problemet me të cilat ballfaqohen ata.

Me kalimin e kohës, opinioni shqiptar, e vërejti këtë lojë të tij dhe filloi të kthjellohet dhe të mos i besojë të “vërtetës” që ai e shpalonte. Nga një deklaratë në tjerën, ai, tregonte se nuk është serioz në atë që thoshte dhe se këtë e bënte më tepër politikë ditore dhe të partisë së tij.

Për shkak të kësaj loje, kjo parti tash ballafaqohet me pasojat e dyftyrësisë së vet dhe me spekulimet për përdorim ditor. Opinioni shqiptar gradualisht fillojë ta kuptojë këtë lojë që nga fillimi të kësaj partie, e cila nuk arriti të sigurojë mbështetje nga shqiptarët.

Kjo parti bëri lojë të pandërshme me shqiptarët dhe sipas shumë zërave tash po e paguan çmimin e kësaj loje.

Read More

Promovimi i automjetit të parë elektrik për administratën e qytetit

Qyteti i Shkupit sot do të promovojë automjetin e parë elektrik për nevojat e administratës së qytetit.

Në promovimin e  automjetit të ri elektrik do të marrë pjesë edhe kryetari i Qytetit të Shkupit, Koce Trajanovski.

Read More

Më ftohtë në Berovë dhe Kriva Pallankë

Temperaturat më të ulta në Maqedoni janë regjistruar -13 grad në mëngjes është regjistruar në Berovë, më pas në Kriva Pallankë -11 kurse -10 është regjistruar në Mavrovë, bëjnë të ditur nga drejtoria për kushte hidrometeorologjike.

Në Lazaropole dhe në Krushevë është regjistruar temperaturë prej -8 gradë, -7 në Dibër, -6 në Strumicë dhe Shtip, -5 në Kumanovë dhe Vinicë, -4 në Ahkup, Manastir, Prilep dhe Tetovë, a 0 grad në Gjevgjeli, njofton Tetovasot.

Trashësia e borës prej 33 cm në Mavrovë, 27 në Lazaropole, 25 në Berovë, 17 në Pozharan dhe Krushevë.

Read More

Sot seancë e dy komisioneve në parlament

Në parlamentin e Maqedonisë sot do të mbajnë mbledhje Komisioni për mbikqyrje të agjencisë për kundërzbulim dhe komisioni për mbikqyrje dhe ndjekje të komunikimit nga ana e ministrisë së brendëshme, drejtoria e policisë financiare, doganat dhe ministria e mbrojtjes, njofton Tetovasot.

Në rend dite në këto dy komisione janë shqyrtimi i rezymesë për mbledhjet e komisioneve të ekspertëve dhe prezantimi nga qendra e sigurisë, zhvillimit dhe drejtësisë DCAF.

Read More

Qeveria e Dimitrievit do blejë mobilje dhe qilima në vlerë prej 50 mijë euro

Qeveria e re teknike do të blejë mobilje dhe qilima në vlerë prej 50 mijë euro. Shërbimi për punë të përbashkëta pranë qeverisë ka hapur një tender në kundërvlerë në denarë pa TVSH rreth 50 mijë euro, njofton Tetovasot.

Nëse jepet edhe TVSH kjo shumë ka mundësi të rritet nga ajo e paraparë. Qeveria këtë tender e ka hapur me qëllim që të furnizohet me mobilje të reja dhe qilima të kuq të cilët do të shfrytëzohen për pritjen e delegacioneve të huaja në vend.

Para një muaji qeveria bëri publike se do të harxhojë rreth 217 mijë euro për lyerjen e godinës së qeverisë me barok me cka më parë harxhoi edhe 700 mijë euro të tjera.

Read More

Nga Maqedonia në Serbi kanë hyrë 154 migrantë

Prej mesnatës nga Serbia në Maqedoni kanë hyrë 154 migrantë nga Lindja e Mesme.

Aarsye e zvogëlimit të numrit të refugjatëve është bllokada e kufirit Greqi – Maqedoni, e cila po zgjatë prej të martës, ka deklaruar sot përfaqësuesja për shtyp e zyrës së UNHCR-së në Serbi, Mirjana Milenkovski,

Ajo tha se Maqedonia sot para dite pjesërisht e ka hapur kufirin me Greqinë dhe se ishte paralajmëruar se nga Gjevgjelia sot pasdite do të nisej një tren me afro 500 migrantë, për në kalimin kufitar në Tabanovci në Serbi.

“Të mërkurën për 24 orë nga Maqedonia në Serbi, afër Preshevës, kanë kaluar 1,064 migrantë, derisa nga Bullgaria në Serbi kanë hyrë 49 refugjatë”, tha Milenkovski.

Sipas saj, për të njejtën kohë nga Serbia në Kroaci kanë kaluar 1,808 migrantë.

Sipas mediave në Maqedoni, kufiri me Greqinë është mbyllur të martën, pasi Sllovenia i ka njoftuar autoritetet maqedonase se ka problem me hekurudhën dhe nuk mund t’i transportoj migrantët.

Read More

Me rastin e 100 vjetorit të rënies së Isa Boletinit promovohet libri “Isa Boletini në lëvizjen kombëtare shqiptare”

Instituti i Trashëgimisë Shpirtërore e Kulturore të Shqiptarëve – Shkup , sot në sallën e hotelit “Bushi” do të bëjë promovimin e librit “Isa Boletini në lëvizjen kombëtare shqiptare”, me materiale nga konferenca shkencore e mbajtur më 5 qershor të vitit  2015 në Prishtinë.

Ky projekt është fryt i bashkëpunimit në mes të Institutit të Historisë “Ali Hadri” – Prishtinë, Institutit të Historisë – Tiranë, dhe Institutit të Trashëgimisë Shpirtërore e Kulturore të Shqiptarëve – Shkup.

Ky libër botohet me rastin e 100 vjetorit të rënies së Isa Boletinit dhe me rastin e ngritjes së shtatores së tij në Komunën Saraj të Shkupit.

Read More

Prodhimtari rekord e energjisë elektrike në Glloboçicë dhe Shpile

 Hidrocentralet “Shpilje” në Dibër dhe “Glloboçica” në Strugë, të cilët e përbëjnë pellgun e Drinit të Zi, vitin e kaluar kanë shënuar prodhimtari rekord.

Kjo, siç thonë kompetentët në ELEM, është rezultat i hidrologjisë së volitshme të kësaj zone të pellgut, të cilin e përbëjnë lumenjtë Radika dhe Drini i Zi, si dhe remontet në kohë dhe të suksesshme dhe revizionet e pajisjes elekektromakinerike.

-Në HEC ‘Shpilje’ vitin e kaluar janë prodhuar 314 milionë kilovatë orë energji elektrike, që është për rreth pesë për qind më shumë nga plani. Në HEC ‘Glloboçica’ janë prodhuar 227 milionë kilovatë orë, që është për 17 për qind më shumë nga plani vjetor. Dy objektet e rëndësishme elektroenergjetike, të cilat punojnë kryesisht sipas nevojave të sistemit, vitin e kaluar kanë prodhuar gjithsej 542 milionë kvh, thonë në ELEM.

Në akumulimet “Liqeni i Dibrës” dhe “Glloboçicë” ka rezervë të ujit për prodhimin e 22 gjegjësisht 20 milionë kilovatë orë energji elektrike.

Rrjedha mesatare në akumulimet arrin 110 metra kub ujë në sekondë. Si rezultat i kësaj, dy objektet punojnë nën kapacitet të plotë.

Reshjet e rrëmbyeshme e kanë rritur rrjedhën e ujit, ndërsa me vetë këtë edhe nivelin e akumulimeve. Bora e cila në këtë rajon është mbi 20 cm në pjesët më të ulëta dhe shumë më shumë në malet është garanci për rrjedhë më të madhe të ujit në pranverë, kur do të fillojë të shkrihet bora nga malet.

Read More

12 vjeçari shqiptar rrahet rëndë nga një bandë gangsterësh

Fatlum J. 12 vjeçar nga Walenstadt ka përjetuar ferrin javën e kaluar. Në oborrin e shkollës djaloshi shqiptar është sulmuar nga një «klikë prej pesë ose gjashtë zviceranësh të moshës 15 deri 16 vjeçar» siç e cilësojnë mediet zvicerane dhe është bërë për spital.

Me një zë që i dridhet, vogëlushi tregon se si e kanë shqelmuar dhe e kanë hedhur në ajër. Pastaj ia kanë mbyllur gojën me borë deri sa ai është alivanosur, shkruan blick.ch. Në fund ai është transportuar ne spital. Diagnoza nga spitali i Chur-it pas 24 orësh qëndrimi atje ka qenë tronditje e rëndë e trurit, shpatulla të shtypura dhe gishtërinj të këmbës të lënduar, transmeton albinfo.ch. Ai duhet që edhe dy javë ta mbajë krahun në një lloj proteze.

«Tash nuk mund të luaj më futboll» thotë Fatlumi i pikëlluar.

Ajo për çfarë dyshon familja është se djali është sulmuar nga motive racist . dhe Fatlumi e konfirmon «Këta nxënës të shkollës së mesme na kanë quajtur qysh më parë shpeshherë «Scheisauslënder»  (të huaj m…).

Ndërsa babai i djaloshit, Faiku thotë për blick.ch se është i dëshpëruar pasi që këta tipa të dhunshëm nuk po bartin fare pasoja për atë që kanë bërë. Ata shkojnë si më parë në shkollë dhe nuk janë dënuar fare». Po ashtu atë e mundon fakti se askush nga prindërit e tyre nuk janë paraqitur për të kërkuar falje. Ndërsa shkollën ai nuk e akuzon por thotë se kërkon vetëm drejtësi. Kjo sepse djali i tij duhet të shkojë sërish në shkollë me frikën se do ta sulmojnë.

Nga ana tjetër drejtori i shkollës, Heiner Lolenthaler thotë se kjo gjë është e patolerueshme. Grupi i dhunshëm duhet të përgjigjet për atë çfarë ka bërë. Policia po i zhvillon hetimet. Mirëpo sa kohë që nuk është e qartë se cilët nxënës janë të involvuar, vlen prezumimi i pafajësisë.

Ndërsa për Faikun, babanë e Fatlumit e gjithë kjo është një ngushëllim i vakët: ai po mendon të shpërngulet me familjen në ndonjë vendbanim tjetër.

Read More

Sobotka përsëriti se nevojitet përforcim i kufirit Bullgari-Maqedoni nëse Greqia nuk ia arrin

Çekia do të jetë e gatshme edhe nëse rritet presioni migrues në territorin tonë, do ta përforcojmë vëzhgimin në kufijtë tanë, tha kryeministri çek Bohuslav Sobotka në fjalimin para deputetëve të cilët në seancë biseduan për krizën aktuale të refugjatëve.

Sobotka përsëriti se do të insistojë për përforcimin e linjës kufitare mes Bullgarisë dhe Maqedonisë nëse nuk arrin që të ruhet kufiri i Shengenit në Greqi dhe kufiri turk.

Në rast se nuk ka sukses edhe kjo zgjidhje rezervë, sipas Sobotkës do të mbyllen kufijtë e vendeve në Evropën e Mesme dhe Juglindore.

Read More

Moti sot

Moti sot në vendin tonë pritet të jetë me diell dhe vrasira të vogla lokale, ndërsa erë e dobët do të frynë nga juglindja.

Temperaturat pritet të sillen prej -7 deri më -4 gradë, ndërsa ajo e pasditës prej -1 deri më 5 gradë celsius.

Shkupi pritet të ketë mot të ngjashëm, diell dhe vransira të vogla, ndërsa temperatura do të sillet prej -6 deri më 3 gradë celsius.

Read More

Van Hojt, ‘’Partitë nuk duan të punojnë së bashku’’

Nuk mendoj se partitë duan të punojnë së bashku më tej për të arritur qëllimet, ka deklaruar kështu negociatori belg Piter Van Hojt rreth marveshjes së Përzhinos, para takimit me grupet e punës sot tek klubi i deputetëve që duhej të fillonte në orën 18, transmeton Tetovasot.

Si qëllim kryesorë i kësaj gjendje ai e citoi datën e zgjedhjeve e më saktë vendimin e opozitës që të mos shkojë në zgjedhjet e 24 prillit.

‘’Sot do të bisedojmë për përparimin që mund të arrijmë në ditët në vazhdim rreth metodologjisë së punës me të cilën KSHZ do të mund të pastrojë listën zgjedhore dhe të shqyrtojë votuesit. E dyta do fillojmë të bisedojmë në lidhje me sjelljen e mediave, pika kryesore që sjell problem është vendimi i opozitës që të mos shkojnë në zgjedhje e si rezultat i kësaj humbet besimi në gjithë procesin. Nuk mendoj se partitë më tej duan të punojnë bashkë për të arritur rezultate’’, ka thënë Van Hojt.

Read More

Ka filluar takimi i grupeve të punës, Vanhojti nuk është optimist

Ka filluar takimi i grupeve punuese të partive politike në Klubin Parlamentit.

Eksperti i belg Peter Vanhaute ka dhënë një deklaratë para takimit, por tha se ai nuk është optimist, për shkak se nuk është arritur marrëveshja mbi datën e zgjedhjeve, transmeton TetovaSot.

“Pengesë kryesore është vendimi i njëanshëm për të shkuar në zgjedhje, si rezultat i kësaj, plotësisht ka humbur besimi në proces. Më nuk ka kuptim që palët dëshirojnë të punojnë së bashku dhe bashkërisht të përpiqen për të arritur qëllimet. Kjo është pengesa kryesore që ne do të përballemi tani”, ka theksuar Vanhojti.

Në takimin e sontëm, metodologjia për pastrimin e listës zgjedhore është tema kryesore.

Read More

Takimi i KSZH zgjati 10 minuta, anëtarët nuk kanë ide si të pastrojnë listën zgjedhore!

Komisioni Shtetëror i Zgjedhjeve sonte mbajti një seancë që zgjati 10 minuta.

Anëtarët e KSHZ nuk kanë asnjë ide se si ta pastrojnë listën zgjedhore.

Ata presin metodoligjinë që partitë politike, nënshkruese të Marrëveshjes të Përzhinos, ta propozojnë, transmeton TetovaSot.

Tre ditë më parë VMRO-DPMNE dhe BDI, thanë se pa asnjë kundërshtim do të pranojnë metodologjinë e KSHZ.

Sonte KSZH u pajtuan të pastrojnë listën zgjedhore, dhe duhet të kyqn të dhënat nga 13 institucionet shtetërore (Fondi për Shëndetësi, Ministria e Brendshme, Fondi për sigurim pensional, DAP, Statistika, kadastra, BPM, komunat, ujësjellësi dhe kanalizimet…).

KSZH solli vendimin që Mileva Hristova të merr vendin e deputetit të Emil Dimitriev, i cili nga 18 Janari është kryeministër.

Zgjedhjet këtë vit do të kushtojnë rreth 8 milionë.

Read More

Kuvendi në lexim të parë e përkrahu ligjin për zona të lira shëndetësore

Kuvendi i Republikës së Maqedonisë në kuadër të seancës së 87-të e pëkrahu në lexim të parë Propozim ligjin për zonat e lira shëndetësore.

Në Zonat e lira shëndetësore do të mund të hapen spitale, fakultete mjekësore, kapacitete për mjekime të banjave klimaterike  dhe rehabilitim fizikal dhe mjekësor.

Sipas zëvendësministrit të Shëndetësisë, Jovan Andovski  me zonat e lira shëndetësore do të krijohen kushte për tërheqjen e investimeve të huja në fushën e shëndetësisë dhe tërheqjen e teknologjisë më bashkëkohore shëndetësore, vendosje e metodave të reja shëndetësore dhe procedurave të reja shëndetësore, si dhe nxitjen e turizmit shëndetësor.

Read More

‘BESATARËT E RINJ” nesër do e japin BESËN!

Forumi Rinor i Lëvizjes BESA nesër do të mbajë Kuvendin e saj Themelues.

Sipas Forumit Rinor të Lëvizjes BESA, nesër me fillim në ora 17:00, në hotel Holiday INN Shkup, besatarët e rinj do të japin BESËN.

Read More

Roberto Carlos rikthehet në shtëpi

Roberto Carlos rikthehet në Real Madrid. Braziliani, i cili luajti për klubin në mes viteve 1996-2007, së shpejti do të fillojë punën për akademinë e të rinjve të klubit. Mbrojtësi legjendar i krahut të majtë, tre-herë kampion Europe me Realin e Madridit, do të jetë në ndërlidhje me akademinë e të rinjve dhe Zinedine Zidane, me të cilin kanë ndarë të njejten zhveshtore ne mes viteve 2001-2006.

Roberto Carlos do të kryejë një sërë detyrash për akademinë e klubit, edhe pse puna e tij do të përqëndrohet ne fushat e teknikës dhe edukimit. Në parim, puna e tij do të jetë e kufizuar në akademi dhe nuk ka plane për të qe të përzihet me ekipin e parë, të paktën për momentin.

Read More